— Онажон! Дор сиртмоги куз унгимда, — дея бакирарди дахшатга тушган Дилоро. — Улар мени осишмокчи. Илтимос, мени куткаринглар!
Камок назоратчиси гушакни тортиб олди. Биз хозирок уни катл этамиз, сиз хатто, ёрдам беришга хам улгуролмайсиз, — ушкирди у.
Алока узилди.
Ёш истеъдодли рассом Дилоро Доробининг фожиавий такдири бутун жахонни ларзага солди. Эрон судининг узбошимчалиги, вояга етмаганларнинг катл этилиши дунё хамжамияти томонидан эътирозларга сабаб булди.
Котилликда айбланган киз мухаббат туфайли сиртмокка тушди. Вахоланки, бу жиноятни бошка одам содир этганини бутун дунё биларди.
Унга хам жазо чораси курилди — йигит 10 йил камок жазосини олди. Суд Дилоронинг ишини кайта куриб чикишни истамаганлиги учунгина Дилоро улимга махкум этилди.
Мазкур кунгирокдан сунг Дилоронинг кекса ота-онаси Решта шахридаги марказий камокхонага югуришди.
Бирок кеч эди.
Улар камокхона эшиги ёнида назоратчилардан ичкарига киритишларини тиз чукиб ёлвориб сурашаётганда тиббий ёрдам машинаси 22 яшар кизнинг жасадини олиб чикиб кетди. Телефонда гапирган назоратчи ёлгон гапирмаган экан: хакикатдан хам кунгирокдан сунг бир неча дакика утиб Дилорони осишди.
— Улар Дилорони дор олдига олиб боришди, — деб ёзади Доробининг адвокатларидан бири Мухаммад Мустофои.
Хукукни химоя килувчи ташкилотлардан бирига юборган хатда у шундай ёзади: "улар кизнинг нозиккина буйнини сиртмокдан утказишди. Дилоронинг оёклари остидаги стулни олиб ташлаган одам канчалик вахший эканлигини тасаввур хам килолмайман”.
Хеч ким охирги дамгача бу вокеа шундай тугашига ишонмасди.
Дилоро Доробини "Ранглар асираси” деб аташган. Бунга сабаб, у расм чизишни жуда яхши курарди. Бу санъат турига хавас унда бир неча йил улимга махкум этилганлар камерасида яшаган даврида уйгонган.
Бунга кадар у барча тенгдошлари каби оддий киз эди.
Хаммаси 2003 йилнинг сентябрида бошланди. Номаълум жиноятчилар Дилоронинг холасини, яъни 63 яшар бой аёлни улдириб кетишди. Унинг уйига тез-тез келиб турган 19 яшар Амир Хусайн шубха остига олинди.
Уша пайтларда 17 яшар Дилоро Амирни севарди. Унинг хис-туйгулари шу кадар кучли эдики, киз севгилисини куткариш учун терговчиларга холасини узи улдирганини айтди.
Аникланишича, бу фикр Амирдан чиккан. Амир Дилорони Эронда балогатга етмаган ёшларнинг катл этилмаслигига ишонтирганди. Аслида эса... у адашган экан.
Эрон суди Дилорони айбдор, деб топди ва улим жазосига махкум этди. Шундагина киз нима килиб куйганини англади. Кузлари очилгач, Дилоро курсатмаларини рад этди. Терговчи ва адвокатларга жиноятни аслида севгилиси Амир содир этганини айтиб мурожаат килди. Суд бу курсатмаларни инобатга олиб, Хусайнни 10 йиллик камок жазосига махкум этади-ю, аммо Дилоронинг иши кайта куриб чикилмади. Тугрироги, суд бу ишни кайта куришдан бош тортди. Киз Амирнинг шериги сифатида улимга махкум этилганлар камерасига тушади.
Адвокатлар, уни таниганлар кизни куткариш учун беш йил овора булишди. Шу йиллар давомида камерада ёлгиз яшаган Дилорога адвокатлар, ота-онаси когоз, калам ва буёклар олиб боришган. Шундан сунг унинг рассомлик истеъдоди намоён булди.
2007 йилда Дилоро чизган суратларнинг айримларини камокхонадан олиб чикиб, Европа мамлакатларига жунатишган. 2007 йил апрелида эса Стокгольмда бу асарлар кургазмага куйилди. Утган йили унинг махзун асарлари Техронда намойиш этилди.
Кургазма ташкилотчиларининг максади, Эрон хукумати эътиборини тортиш эди. Бу билан суд хайъати рахм килишига ишонишганди. Бирок бу харакатлар, хатто, дунё хіамжамиятининг муносабати уларга таъсир килмади.
Эришилган ягона муваффакият — 19 апрелда Эрон суди катл икки ойга колдирилишини кафолатлади. Бирок улар сузида туришмади, киз 1 май куни осиб улдирилди.
Адвокатлар катлни амалга ошириш жараёнида хам суд томонидан бир катор конунбузарликка йул куйилганлигини таъкидлашмокда. Ахир ижро этувчилар катлдан 48 соат олдин хукукшунослар ва кариндошларни огох этишлари керак эди. Шунинг учун айрим ОАВларида бу вокеага "Дилоронинг котиллиги”, деб изох беришяпти. Ахир улар нафакат бегунох кизни катл этишди, балки бу жараённи, хатто, конунда курсатилган тартибда амалга оширишмаган!
